اردو ورلڈ کینیڈا ( ویب نیوز ) وزیر مملکت برائے پیٹرولیم مصدق ملک نے دعویٰ کیا ہے کہ 15 جولائی کے بعد لوڈشیڈنگ پر قابو پالیا جائے گا۔

نجی ٹی وی سے گفتگو کرتے ہوئے مصدق ملک نے کہا کہ وہ وزیر خزانہ مفتاح اسماعیل سے درخواست کریں گے کہ وہ موجودہ بحران سے نمٹنے کے لیے کے الیکٹرک کے لیے رقم جاری کریں۔

ملک میں بجلی کے بڑھتے ہوئے بحران پر بات کرتے ہوئے انہوں نے کہا کہ لوڈ شیڈنگ کی ایک وجہ ڈیموں میں پانی کی کمی ہے۔ کوئلے کی کمی بھی ایک وجہ ہے

مصدق ملک نے دعویٰ کیا کہ 15 جولائی کے بعد لوڈشیڈنگ پر قابو پالیا جائے گا
خیال رہے کہ ملک میں بجلی کا شارٹ فال 6 ہزار میگاواٹ سے تجاوز کر گیا ہے اور کراچی سمیت دیگر بڑے شہروں میں بجلی کی بندش کا دورانیہ 12 سے 14 گھنٹے تک جا پہنچا ہے۔