اردو ورلڈ کینیڈا ( ویب نیوز ) دبئی میں رہائشی عمارت میں آگ لگنے سے 16 افرا د جاں بحق اور 9 زخمی ہو گئے۔

دبئی پولیس کے مطابق ڈیرہ دبئی کے گنجان آباد علاقے الرس میں رہائشی عمارت میں آگ بھڑک اٹھی۔

آتشزدگی کے نتیجے میں 3 پاکستانی بھی جاں بحق ہو گئے ہیں جب کہ مجموعی طور پر 9 افراد زخمی بھی ہوئے ہیں۔ ابتدائی تحقیقات کے مطابق عمارت میں آگ سے بچاؤ اور حفاظتی راستوں کا کوئی مناسب انتظام نہیں تھا۔دبئی پولیس کا کہنا ہے کہ آگ لگنے کی وجوہات کی تحقیقات کی جا رہی ہیں۔