اردوورلڈ کینیڈا ( ویب نیوز )وزارت خزانہ نے عام انتخابات کے لیے الیکشن کمیشن کو مزید فنڈز جاری کر دئیے،وزارت خزانہ کی جانب سے جاری اعلامیے کے مطابق الیکشن کمیشن کو 17 ارب 40 کروڑ روپے جاری کیے گئے ہیں۔
بیان میں کہا گیا ہے کہ وزارت خزانہ نے پہلے 10 ارب روپے جاری کیے تھے اور اب مجموعی طور پر 27 ارب 40 کروڑ روپے الیکشن کمیشن کو جاری کیے گئے ہیں۔
واضح رہے کہ بجٹ میں الیکشن کے لیے 42 ارب روپے مختص کیے گئے تھے، فنڈز کی عدم فراہمی پر الیکشن کمیشن نے سیکرٹری خزانہ کو کل طلب کیا تھا۔