اردوورلڈ کینیڈا( ویب نیوز)پیل ریجن پولیس نے گزشتہ دنوں مسی ساگا میں بریک ان اور تصادم کے سلسلے میں دو 18 سالہ لڑکوں کو گرفتار کیا ہے اور تیسرے مشتبہ شخص کی تلاش جاری ہے۔ پولیس کا کہنا ہے کہ انہیں پیر کی صبح 11 بجے برنہمتھورپ روڈ ویسٹ اور گلین ایرن ڈرائیو کے قریب ایک رہائش گاہ میں توڑ پھوڑ کی اطلاع ملی۔ جب اہلکار وہاں پہنچے تو ملزمان چوری کی گاڑی میں فرار ہو چکے تھے۔

پولیس نے کہا کہ مشتبہ افراد نے مبینہ طور پر دوسری گاڑی چوری کی لیکن بعد میں اسے گلین ایرن ڈرائیو اور دی کالج وے کے قریب ایک کلومیٹر سے بھی کم فاصلے پر ٹکرا دیا۔ پی آر پی نے بتایا کہ مشتبہ افراد پیدل فرار ہو گئے، لیکن بعد میں افسران نے دو کو گرفتار کر لیا۔ جن کی شناخت ڈیون براؤن اور کالیب جان کے نام سے ہوئی ہے۔ دونوں ٹورنٹو کے رہائشی ہیں۔ ملزمان پر مشترکہ طور پر 17 الزامات کا سامنا ہے، جن میں توڑ پھوڑ، ڈکیتی اور جرائم کے ذریعے جائیداد حاصل کرنا شامل ہے۔ پولیس کے پاس تیسرے ملزم کی تفصیل نہیں ہے۔