53
اردو ورلڈ کینیڈا ( ویب نیوز)بھارتی ریاست کیرالہ میں گاؤں میں امن اور خوشحالی لانے کے لیے دو خواتین کو اغوا کرنے کے بعد کالے جادو کی بھینٹ چڑھا دیا گیا
کشمیر میڈیا سروس کے مطابق کیرالہ کے ایک دور افتادہ گاؤں سے لاٹری ٹکٹ بیچ کر زندگی گزارنے والی دو غریب خواتین کی لاشیں ملی ہیں۔ پدما اور روزالی نامی یہ خواتین اگست سے لاپتہ تھیں۔
پولیس کا کہنا ہے کہ خواتین کو ایک ایجنٹ نے اچھے مستقبل کے خواب دکھا کر ایک جوڑے کو فروخت کیا جو انہیں جنگل میں لے گیا جہاں سے لاشیں ملیں۔
پولیس نے ایجنٹ اور جوڑے کو گرفتار کر لیا جنہوں نے ابتدائی تفتیش کے دوران اعتراف کیا کہ انہوں نے ایک ایسے شخص کے کہنے پر خواتین کی قربانی دی تھی جو گاؤں میں خوشحالی لانے اور برائی کے خاتمے کے لیے کالا جادو کرتا تھا۔
