Imran 
11
اردو ورلڈکینیڈا ( ویب نیوز ) امریکی ریاست آرکنساس میں ایک دفاعی پلانٹ میں دھماکے کے نتیجے میں 2 افراد زخمی اور ایک شخص لاپتہ ہوگیا ۔غیر ملکی خبر رساں ایجنسی کے مطابق یہ دھماکہ کیمڈن، آرکنساس میں جنرل ڈائنامکس آرڈیننس اینڈ ٹیکٹیکل سسٹمز پلانٹ میں ہوا۔خبر رساں ایجنسی کے مطابق کمپنی شروع میں اس واقعے کو پائروٹیکنکس کی وجہ سے حادثہ قرار دے رہی تھی تاہم بعد میں اسے دھماکہ قرار دے دیا گیا۔کمپنی نے کہا کہ ابتدائی طور پر ہم زخمیوں اور متاثرین کو دیکھ رہے ہیں، اس واقعے کی تحقیقات کے لیے حکام کے ساتھ مکمل تعاون کریں گے۔کمپنی نے ایک بیان میں تصدیق کی کہ دھماکے کے بعد پلانٹ کی پیداوار روک دی گئی تھی، لیکن جانی نقصان یا زخمی ہونے کے بارے میں مزید معلومات فراہم نہیں کیں۔
