اردو ورلڈ کینیڈا ( ویب نیوز ) امریکا میں مسافر طیارے پر لیزر لائٹ مارنے والے شخص کو 2 سال قید کی سزا سنادی گئی۔

غیر ملکی میڈیا کے مطابق امریکی ریاست وسکونسن کے وفاقی جج نے مینیسوٹا سے تعلق رکھنے والے ایک شخص کو 2 سال قید کی سزا سنادی۔

استغاثہ کے مطابق، 43 سالہ ملزم، جس پر جنوری میں فرد جرم عائد کی گئی تھی، نے 2021 میں ڈیلٹا ایئر کی پرواز پر لیزر فائر کیا تھا۔پراسیکیوٹر نے کہا کہ کاک پٹ میں لیزر اسٹرائیک سے پائلٹ کی بینائی متاثر ہوتی ہے جو انتہائی خطرناک ہے اور کسی بڑے حادثے کا سبب بن سکتا ہے۔

یو ایس فیڈرل ایوی ایشن ایڈمنسٹریشن کے مطابق 2021 میں امریکہ میں ہوائی جہازوں اور ہیلی کاپٹروں پر لیزر حملوں کے ریکارڈ 9,732 واقعات ہوئے۔ایوی ایشن کے مطابق ان واقعات میں 2021 میں 120 ہزار ڈالر کے جرمانے بھی عائد کیے گئے۔