264
اردو ورلڈ کینیڈا ( ویب نیوز )چیف الیکشن کمشنر کی زیر صدارت اہم اجلاس کا اعلامیہ جاری کر دیا گیا۔الیکشن کمیشن کے اعلامیے کے مطابق سکیورٹی اور فنڈز کی فراہمی کو یقینی بنانے کے لیے اجلاس میں سیکر ٹری داخلہ اور خزانہ کو بلایا گیا۔ 20 ارب کی ضرورت ہے لیکن صرف 5 ارب روپے د ئیے گئے ہیں۔
اعلامیے کے مطابق الیکشن کمیشن کا مزید کہنا تھا کہ رواں مالی سال میں مزید 15 ارب روپے درکار ہیں، جس پر سیکریٹری خزانہ نے کہا کہ وزارت کے لیے مطلوبہ فنڈز فراہم کرنا مشکل ہوگا، اس حوالے سے وفاقی حکومت سے مشاورت کے بعد فیصلہ کیا جائے گا۔
یہ بھی پڑھیں
سیکورٹی مل رہی ہے نہ پیسے تو الیکشن کیسے کرائیں ،چیف الیکشن کمشنر کا سپریم کورٹ میں جواب
الیکشن کمیشن نے سیکرٹری داخلہ کو بتایا کہ پولیس فورس کے علاوہ پنجاب میں 2 لاکھ 97 ہزار اہلکار درکار ہوں گے، خیبرپختونخوا میں پولیس کے علاوہ 56 ہزار اضافی نفری کی ضرورت ہوگی مطلوبہ افرادی قوت کا بندوبست کرکے ہمیں آگاہ کریں۔
دونوں صوبوں کے چیف سیکریٹریز اور آئی جیز کو آئندہ ہفتے ملاقات کے لیے بلایا گیا ہے، انتخابی انتظامات کو حتمی شکل دینے کے لیے وزارت دفاع کے حکام سے ملاقات بھی ہوگی۔
