اردو ورلڈ کینیڈا ( ویب نیوز ) یونیسیف نے 2024 کو بچوں کے لیے بدترین سال قرار دیا ہے۔

اقوام متحدہ کے ادارے یونیسیف نے بچوں کے حوالے سے تشویشناک رپورٹ جاری کر دی ہے۔رپورٹ کے مطابق 473 ملین بچے جنگی ماحول میں رہ رہے ہیں۔دنیا بھر میں ہر چھٹا بچہ گولیوں کے سائے میں رہنے پر مجبور ہے۔ 1990 سے اب تک دنیا بھر میں تنازعات سے متاثرہ بچوں کی تعداد دوگنی ہو گئی ہے۔یونیسیف نے رپورٹ میں کہا ہے کہ آج تقریباً 19 فیصد بچے تنازعات سے متاثر ہیں، جبکہ 1990 کی دہائی میں یہ شرح تقریباً 10 فیصد تھی۔ان علاقوں میں بچے ہلاک، زخمی، سکول چھوڑنے پر مجبور، حفاظتی ٹیکوں سے محروم اور شدید غذائی قلت کا شکار ہیں۔