136
اردو ورلڈ کینیڈا ( ویب نیوز )بھارت میں ایک سرکاری ملازم کا فون ڈیم میں گر گیا، جسے ایک غوطہ خور بھی نہیں نکال سکا، اس لیے اس نے 3 دن تک مسلسل موٹر چلا کر 21 لاکھ پانی باہر پھینک دیا، جس سے 1500 ایکڑ زرعی اراضی سیراب ہو سکتی تھی۔
بھارتی میڈیا کے مطابق ریاست چھتیس گڑھ میں ڈیم کے قریب سیلفی لیتے ہوئے راجیش وشواس کا قیمتی موبائل فون گہرے پانی میں گر گیا۔ ایک لاکھ روپے مالیت کے موبائل فون کی تلاش کے لیے غوطہ خور کو بھی بلایا گیا۔
غوطہ خور کی ناکامی پر سرکاری ملازم نے ایک انوکھا آلہ تیار کیا اور 30 گھروں کی پاور والی موٹر لگائی تاکہ اسے مسلسل تین دن تک چلایا جا سکے جب تک کہ آبی ذخائر میں ایک فٹ سے بھی کم پانی باقی نہ رہ جائے۔
یہ بھی پڑھیں
وزیر اعلی کاپوسٹرکیوں ہٹایا،بھارت میں کتے کیخلاف مقدمہ درج
سرکاری ملازم نے 21 لاکھ لیٹر پانی ضائع کرنے کے بعد اپنا موبائل فون حاصل کیا اور یہ جواز پیش کیا کہ موبائل فون میں اہم سرکاری ریکارڈ بھی موجود ہے اور میں نے اپنے سینئر سے ڈیم خالی کرنے کی زبانی اجازت لی تھی۔تاہم محکمہ نے سرکاری ملازم کا عذر قبول نہیں کیا اور اسے معطل کر دیا۔
