اردو ورلڈ کینیڈا ( ویب نیوز ) شمالی افریقی ملک مراکش میں بس کو حادثہ پیش آیا جس کے نتیجے میں 24 افراد ہلاک ہوگئے۔

غیر ملکی میڈیا کے مطابق یہ واقعہ مراکش کے وسطی صوبے ایزلال میں پیش آیا جہاں منی بس مسافروں کو لے کر ڈیمنیٹ قصبے میں ہفتہ وار بازار جا رہی تھی۔

میڈیا رپورٹس کے مطابق بس بازار جاتے ہوئے الٹ گئی جس کے نتیجے میں 24 مسافر جاں بحق ہوگئے۔واقعے کی اطلاع ملتے ہی ریسکیو ٹیمیں موقع پر پہنچ گئیں اور امدادی کارروائیوں میں حصہ لیا اور زخمی مسافروں کو اسپتال منتقل کیا۔اس سے قبل رواں سال مارچ کے مہینے میں ایک منی بس کو حادثہ پیش آیا تھا اور ڈرائیور کا کنٹرول ختم ہو گیا تھا اور بس درخت سے ٹکرا گئی تھی جس کے نتیجے میں 11 افراد ہلاک ہو گئے تھے جن میں زیادہ تر کسان تھے۔