اردوورلڈ کینیڈا ( ویب نیوز )جمعیت علمائے اسلام (ف) کے سربراہ مولانا فضل الرحمان نے کہا ہے کہ باجوڑ حملہ انٹیلی جنس کی ناکامی ہے۔مولانا فضل الرحمان نے سوشل میڈیا پر جاری بیان میں کہا کہ پوری قوم ریاستی اداروں کی طرف دیکھ رہی ہے۔ پاکستان میں 26 انٹیلی جنس ادارے ہیں، کہاں غائب ہیں؟ باجوڑ حملہ انٹیلی جنس کی بڑی ناکامی ہے۔
موجودہ صورتحال کے پیش نظر جے یو آئی کی مرکزی مجلس شوری کا اجلاس طلب کرلیا ہے،لیکن اس سے پہلے قبائلی زعماء کا جرگہ بلانے کی تجویز آئی ہے،
زعماء اور پختون قیادت بیٹھے اور اس خطے کے بارے میں سوچیں کہ حال میں خیبر ایجنسی میں دو واقعات ہوئے، جس میں مسلمانوں کا خون بہا ہے ،کچھ عرصہ… pic.twitter.com/CFpt5Rm2Fl— Maulana Fazl-ur-Rehman (@MoulanaOfficial) July 31, 2023
مولانا فضل الرحمان نے مزید کہا کہ کیا وہ مجھے یہ اعتماد دے سکتے ہیں کہ ریاست میری جان کی حفاظت کر سکتی ہے یا نہیں؟ کیا ریاست صرف ٹیکس وصول کرے گی جان و مال کی حفاظت نہیں کرے گی؟ باجوڑ جیسے واقعات کے ذریعے جے یو آئی (ف) کاعوام سے رابطہ ختم کرنے کی کوشش کر رہی ہے۔ اس طرح کے اقدامات سے پارٹی کا راستہ نہ پہلے مسدود ہوا ہے اور نہ آج ممکن ہوگا۔ جے یو آئی (ف) کے ورکرز کنونشن پر خودکش حملے میں 45 افراد جاں بحق اور درجنوں زخمی ہوگئے تھے
