اردو ورلڈ کینیڈا ( ویب نیوز ) تیونس میں تارکین وطن کی دو کشتیاں ڈوبنے سے 27 افراد ہلاک ہو گئے۔

غیر ملکی میڈیا کے مطابق تیونس کے شہر سفیکس کے قریب افریقی ممالک سے تارکین وطن کو لے جانے والی کشتی ڈوب گئی جس کے نتیجے میں خواتین اور بچوں سمیت 24 افراد ہلاک جب کہ 83 افراد کو بچا لیا گیا۔
تیونس کے نیشنل گارڈ حکام کے مطابق 15 زخمیوں کو طبی امداد کے لیے اسپتال بھیجا گیا ہے جب کہ باقی ماندہ اور بچائے گئے افراد کو کوسٹ گارڈ حکام کے حوالے کر دیا گیا ہے۔ واضح رہے کہ تیونس میں اکثر حادثات رونما ہوتے ہیں جن میں تارکین وطن کو لے جانے والی کشتیاں غیر قانونی طور پر یورپ پہنچنے کی کوشش کر رہی تھیں اور گزشتہ ماہ تیونس کے ساحلی محافظوں کے اہلکاروں کو دو الگ الگ حادثات میں ڈوبنے والے 30 تارکین وطن کی لاشیں ملی تھیں۔