اردو ورلڈ کینیڈا ( ویب نیوز ) بنگلہ دیش کے ون ڈے کپتان تمیم اقبال کا افغانستان کے خلاف شکست کے ایک دن بعد آنسو بھری آنکھوں کے ساتھ ریٹائرمنٹ کا اعلان کیا۔
چٹاگانگ میں پریس کانفرنس کے دوران تمیم اقبال نے اپنے ساتھی کھلاڑیوں، کوچز، مداحوں اور وہاں موجود صحافیوں کا شکریہ ادا کرتے ہوئے کہا کہ یہ میرے سفر کا اختتام ہے، میں نے بہترین کھیلنے کی کوشش کی ۔
انہوں نے کہا کہ افغانستان کے خلاف کل کا میچ میرا آخری میچ تھا اور میں ون ڈے کرکٹ سے ریٹائرمنٹ کا اعلان کرتا ہوں۔تمیم اقبال نے کہا کہ میرا فیصلہ اچانک فیصلہ نہیں ہے، میں مختلف وجوہات کے بارے میں سوچتا رہا ہوں، تاہم میں ان کا یہاں ذکر نہیں کرنا چاہتا، میں نے اس حوالے سے اپنے اہل خانہ سے بھی مشورہ کیا ہے، اس لیے میں سمجھ گیا ہوں۔ میرے خیال میں فیصلہ لینے کا یہ صحیح وقت ہے۔
انہوں نے کہا کہ میرے پاس کہنے کے لیے بہت کچھ نہیں ہے لیکن میں یہ ضرور کہوں گا کہ میں نے ہمیشہ اپنی بہترین کارکردگی دکھانے کی کوشش کی ہے۔ میں نے بہت اچھا نہیں کیا ہو گا لیکن جب بھی میں نے میدان میں قدم رکھا میں نے ہمیشہ اپنی پوری کوشش کی۔
یہ بھی پڑھیں
کرکٹ ورلڈ کپ کے شیڈول کا اعلان،پاک بھارت ٹاکرا 15اکتوبر کو احمد آباد میں ہوگا
تمیم اقبال نے کہا کہ میرا سفر یہیں ختم ہوتا ہے اس لیے مجھ سے مت پوچھو کیوں کہ میں ہمیشہ کہتا ہوں کہ ٹیم کسی بھی فرد سے بڑی ہوتی ہے اس لیے ٹیم پر توجہ دوں گا۔تمیم اقبال نے اپنے انٹرنیشنل کرکٹ کیرئیر کا آغاز 2007 میں ویسٹ انڈیز میں منعقدہ ورلڈ کپ کے دوران بھارت کے خلاف یادگار میچ وننگ ففٹی سے کیا، اپنے کیرئیر میں انہوں نے اپنی ٹیم کے لیے 14 سنچریاں اسکور کرتے ہوئے 8 ہزار 313 رنز بنائے۔ تمیم اقبال ویرات کوہلی اور روہت شرما کے بعد تیسرے سب سے زیادہ رنز بنانے والے بلے باز ہیں۔
