99
اردو ورلڈ کینیڈا ( ویب نیوز) سپریم کورٹ میں تین نئے ججز نے حلف اٹھا لیا، چیف جسٹس آف پاکستان جسٹس عمر عطا بندیال نے تین نئے ججز سے حلف لیا۔
سپریم کورٹ میں تین نئے ججز کی حلف برداری کی تقریب ہوئی، حلف اٹھانے والوں میں جسٹس اطہر من اللہ، جسٹس حسن اظہر رضوی اور جسٹس شاہد وحید بھی شامل تھے۔ حلف برداری کی تقریب میں ججز، وکلاء، لاء آفیسرز اور عدالتی افسران اور عملہ نے شرکت کی
تین نئے ججوں کی آمد کے بعد سپریم کورٹ میں ججوں کی کل تعداد 15 ہو گئی ہے۔سپریم کورٹ میں مزید دو ججوں کی نشستیں تاحال خالی ہیں۔
یاد رہے کہ چند روز قبل صدر مملکت ڈاکٹر عارف علوی نے سپریم کورٹ میں ججز کی تقرری کی منظوری دی تھی۔
