غیر ملکی میڈیا کے مطابق امریکی پولیس نے بتایا کہ اتوار کی صبح مسلح شخص کے ساتھ فائرنگ کے تبادلے میں دو پولیس اہلکار اور ایک پیرا میڈیکل اہلکار ہلاک ہو گئے۔ریاستی حکام نے بتایا کہ پولیس افسران کو گھریلو تشدد کی کال پر بلایا گیا تھا، جس میں ایک مسلح شخص نے 2 سے 15 سال کی عمر کے سات بچوں کے ساتھ ایک گھر میں خود کو روک لیا۔پولیس اہلکار مسلح شخص سے بات کر کے معاملہ حل کرنے کی کوشش کر رہے تھے کہ مسلح شخص نے پولیس اہلکاروں پر فائرنگ کر دی جس کے نتیجے میں پیرامیڈیکل سمیت دو پولیس اہلکا رہلاک ہو گئے جبکہ چوتھا پولیس اہلکار شدید زخمی ہو گیا۔
مقامی میڈیا کے مطابق بعد میں ملزم نے خود کو بھی مار لیا۔ہلاک ہونے والے پولیس اہلکاروں کی شناخت پال ایلمسٹرینڈ اور میتھیو رُج کے نام سے ہوئی ہے، دونوں کی عمریں 27 سال ہیں، جب کہ پیرامیڈک کے سوتیلے والد ایڈم فنسیتھ، 40 سال تھے۔ ملزم کی شناخت اور واقعہ کی وجہ جاری نہیں کی گئی ہے۔ مزید تفتیش جاری ہے، پڑوسیوں نے مقامی میڈیا کو بتایا کہ پولیس نے جوابی فائرنگ کی، بندوق بردار کے پاس کئی بندوقیں اور بڑی مقدار میں گولہ بارود تھا۔اس واقعہ سے علاقہ مکینوں میں خوف وہراس پھیل گیا۔مینیسوٹا کے گورنر ٹم والز نے اس واقعے کو ریاست کے لیے ایک المناک نقصان قرار دیا۔