اردوورلڈ کینیڈا ( ویب نیوز)فرانسیسی کیریبین جزیرے مارٹینیک سے تعلق رکھنے والی 34 سالہ ایئر ہوسٹس انجلیک انگارنی فلپون نے مس ​​فرانس کا مقابلہ جیت کر تاریخ رقم کر دی۔

یہ کامیابی اس وقت ممکن ہوئی جب مس فرانس کے قوانین میں تبدیلی کی گئی جس کے تحت 24 سال سے زائد عمر کی خواتین، شادی شدہ خواتین اور مائیں بھی مقابلے میں حصہ لے سکتی ہیں۔
مس فرانس کے فائنل میں ڈاکٹروں اور دندان سازوں سمیت 30 امیدواروں نے حصہ لیا۔ مقابلہ کرنے والوں نے سوئمنگ سوٹ، علاقائی ملبوسات اور بال گاؤنز میں کیٹ واک کی۔
تاج جیتنے کے بعد انجلیک کو مس فرانس تنظیم کی جانب سے ایک سال کی تنخواہ، پیرس میں ایک اپارٹمنٹ اور اسپانسرز کی جانب سے مختلف تحائف دیے جائیں گے۔
یہ مقابلہ 35 سال بعد مس نیدرلینڈز کا مقابلہ بند کیے جانے کے چند روز بعد ہوا ہے۔ منتظمین کا کہنا ہے کہ اب وہ خواتین کی کامیابی کی کہانیوں اور خوبصورتی کے معیار کے دباؤ جیسے موضوعات پر توجہ مرکوز کریں گے۔3344444444444446gr