غیر ملکی خبر رساں ایجنسی کے مطابق ہلاک ہونے والوں میں عام شہری اور شامی فوجی اہلکار بھی شامل ہیں. اسرائیلی حملوں کے بعد دھماکوں کی آوازیں دور دور تک سنی گئیں.
شامی حکام کے مطابق رات گئے اسرائیلی بمباری میں حلب کے مختلف علاقوں کو نشانہ بنایا گیا.
دوسری جانب اسرائیلی حکام نے دعویٰ کیا کہ انہوں نے شام میں حزب اللہ کے ٹھکانوں کو نشانہ بنایا ہے.
اس سے قبل یہ اطلاع ملی تھی کہ برطانیہ میں قائم سیریئن آبزرویٹری فار ہیومن رائٹس نے کہا تھا کہ اسرائیلی حملوں میں حلب کے بین الاقوامی ہوائی اڈے کے قریب ہتھیاروں کے گودام کو نشانہ بنایا گیا جس کے نتیجے میں بڑے دھماکے ہوئے.
اس کے علاوہ اسرائیلی فوج نے پناہ گزین کیمپ میں ایک گھر پر حملہ کیا جس کے نتیجے میں 8 فلسطینی شہید اور متعدد زخمی ہوئے.
7 اکتوبر سے، اسرائیل نے شام میں ایرانی حمایت یافتہ ملیشیا کے اڈوں پر اپنے حملوں میں اضافہ کیا ہے، جس میں شامی فوج کے فضائی دفاع اور کچھ شامی افواج کو نشانہ بنایا گیا ہے.