اردو ورلڈ کینیڈا ( ویب نیوز ) عمان کے دارالحکومت کی مسجد میں فائرنگ کے واقعے میں 4 پاکستانی شہید اور 30 سے زائد افراد زخمی ہوگئے۔عرب میڈیا کے مطابق فائرنگ کا واقعہ عمان کے علاقے الوادی الکبیر میں واقع امام علی مسجد میں پیش آیا۔ فائرنگ کے وقت مسجد میں 700 سے زائد افراد موجود تھے۔عمان پولیس کا کہنا ہے کہ فی الحال یہ واضح نہیں ہے کہ اس حملے کے پیچھے کون یا کس تنظیم کا ہاتھ ہے۔
دریں اثنا عمان میں پاکستانی سفیر علی عمران چوہدری نے ایک نجی چینل کو بتایا کہ مرنے والوں میں4 پاکستانی شامل ہیں۔فائرنگ کے بعد سیکیورٹی اہلکاروں نے مسجد کو چاروں اطراف سے گھیرے میں لے لیا تاہم کوئی گرفتاری عمل میں نہیں آسکی۔ واقعے کے حوالے سے مزید تفصیلات تاحال سامنے نہیں آسکیں۔خیال رہے کہ عمان ایک معتدل ملک ہے جہاں ایسے واقعات بہت کم ہوتے ہیں۔ جو علاقائی تناظر میں ثالث کا کردار ادا کرتا ہے۔فائرنگ سے مسجد میں بھگدڑ مچ گئی۔ کئی لوگ پیروں تلے کچل کر زخمی ہو گئے۔ جاں بحق اور زخمیوں کو قریبی اسپتال منتقل کردیا گیا، جہاں 6 زخمیوں کی حالت تشویشناک بیان کی جارہی ہے۔
30