اردوورلڈ کینیڈا ( ویب نیوز )خیبرپختونخوا میں شدید بارشوں کے باعث مختلف حادثات کے نتیجے میں 4 افراد جاں بحق اور ایک زخمی ہوگیا۔
پی ڈی ایم اے کی رپورٹ کے مطابق صوبے میں گزشتہ 24 گھنٹوں کے دوران سیلاب اور بارشوں سے 12 مکانات کو جزوی نقصان پہنچا جب کہ مختلف حادثات میں 4 افراد جان کی بازی ہار گئے۔

رپورٹ میں بتایا گیا ہے کہ چترال لوئر میں سیلاب سے 9 مکانات کو جزوی نقصان پہنچا۔
محکمہ ریلیف کے ترجمان کا کہنا ہے کہ لوئر چترال میں سیلابی پانی کم ہوتے ہی نقصانات کا تفصیلی جائزہ لینا شروع کر دیا جائے گا۔
محکمہ ریلیف کے ترجمان کا کہنا ہے کہ ضلع انتظامیہ، پی ڈی ایم اے، ریسکیو 1122، سول ڈیفنس، ڈسٹرکٹ انتطامیہ اور متعلقہ ادارے الرٹ ہیں۔
ترجمان کا کہنا ہے کہ کوغوزی کے مقام پر سڑک کو ٹریفک کے لیے کلیئر کر دیا گیا ہے، دیر اپر کی ضلعی انتظامیہ کی جانب سے ون وے روڈ کو کھول دیا گیا ہے، جب کہ سڑک کی دو طرفہ بحالی کا کام جاری ہے۔