غیر ملکی میڈیا رپورٹس کے مطابق جب ماسکو کے کروکس سٹی ہال میں ایک راک کنسرٹ ہو رہا تھا تو مسلح افراد نے خودکار ہتھیاروں سے ہجوم پر فائرنگ کر دی. حملے کے نتیجے میں 40 افراد ہلاک اور 100 سے زائد زخمی ہوئے
روسی میڈیا کے مطابق حملہ آوروں نے دھماکہ خیز مواد بھی استعمال کیا جس کی وجہ سے کروکس سٹی ہال میں زبردست آگ لگ گئی، 3 سے 5 افراد نے ہجوم پر ہتھیاروں سے فائرنگ کی اور حملے کے دوران سکیورٹی اہلکاروں نے 100 افراد کو ہال سے باہر نکالا.
روسی حکومت نے اس حملے کو دہشت گردی کی کارروائی قرار دیتے ہوئے اس ہفتے دارالحکومت ماسکو میں ہونے والے تمام عوامی پروگراموں کو منسوخ کرنے کا اعلان کیا اور عالمی برادری سے مطالبہ کیا کہ وہ اس واقعے کی مذمت کریں اور اسے گھناؤنا جرم قرار دیں.
دوسری جانب یوکرین کے صدارتی ترجمان نے اس حملے پر بے حسی کا اظہار کرتے ہوئے کہا ہے کہ یوکرین کا واضح طور پر کروکس شہر میں فائرنگ اور کچھ نامعلوم افراد کی دہشت گردانہ کارروائیوں سے کوئی تعلق نہیں ہے.
87
