اردو ورلڈ کینیڈا ( ویب نیوز ) خار کیف کے میئر اولیا سینی ہوبوف نے کہا کہ زخمیوں میں پانچ بچے بھی شامل ہیں، ماسکو پر الزام ہے کہ وہ جان بوجھ کر شہری انفراسٹرکچر کو نشانہ بنا رہا ہے۔انہوں نے مزید کہا کہ تباہ ہونے والی عمارتوں میں ایک سپر مارکیٹ اور ایک اسپورٹس کمپلیکس شامل ہے جہاں کے رہائشی روزانہ آتے ہیں۔یوکرین کے صدر ولادیمیر زیلنسکی نے ان حملوں کے تناظر میں کہا کہ روس ایک بار پھر خارکیف میں دہشت گردی کر رہا ہے اور شہری انفراسٹرکچر کو نشانہ بنا رہا ہے۔یوکرین کے صدر نے ایک بار پھر اپنے مغربی اتحادیوں پر زور دیا کہ وہ یوکرین کو وہ سب کچھ دیں جو اسے اپنے دفاع کے لیے درکار ہے۔
خار کیف کے سربراہ اولیہ سینہوبوف نے کہا کہ کم از کم 10 مختلف روسی حملے ریکارڈ کیے گئے ہیں، جن میں بیلسٹک میزائلوں کا استعمال بھی شامل ہے۔انہوں نے مزید کہا کہ کچھ علاقوں میں لوگ ملبے تلے دبے ہو سکتے ہیں اور امدادی کارروائیاں جاری ہیں۔یہ حملہ یوکرین کی طرف سے روس میں اہداف کے خلاف راتوں رات ڈرون حملوں کے سلسلے کے بعد ہوا، جہاں توانائی کی دو تنصیبات کو آگ لگا دی گئی۔روسی وزارت دفاع کے مطابق 158 سے زائد یوکرائنی ڈرونز نے دارالحکومت ماسکو سمیت ملک کے 15 علاقوں کو نشانہ بنایا۔
62
