اردو ورلڈ کینیڈا ( ویب نیوز ) اسرائیلی فورسز نے لبنان اور شام کے سرحدی علاقے میں اندھا دھند بمباری کی جس کے نتیجے میں 47 افراد شہید اور متعدد زخمی ہوئے۔. شہید اور زخمی ہونے والوں میں خواتین اور بچے بھی شامل ہیں۔

ہسپتال کے ذرائع کا کہنا ہے کہ اسرائیلی بمباری سے زخمی ہونے والے متعدد افراد کی حالت تشویشناک ہے۔. اسرائیلی فوج کا دعویٰ ہے کہ لبنان میں حزب اللہ کے اڈوں کو نشانہ بنایا گیا اور شہریوں کو خبردار کیا گیا کہ وہ حملوں سے قبل علاقہ خالی کر دیں۔اسرائیلی فوج کے جاری کردہ بیان کے مطابق لبنان سے شمالی قصبے نہاریہ پر 10 راکٹ فائر کیے گئے۔. راکٹ حملے میں ایک 30 سالہ اسرائیلی شخص ہلاک ہو گیا جبکہ زیادہ تر راکٹ ہدف تک پہنچنے سے پہلے ہی تباہ ہو گئے۔. حزب اللہ نے اسرائیل پر راکٹ حملے کی تصدیق کر دی ہے۔. شمالی اسرائیل پر حزب اللہ کے حملوں میں اب تک 70 سے زائد فوجیوں سمیت 100 افراد ہلاک ہو چکے ہیں۔