اردوورلڈ کینیڈا ( ویب نیوز )اطلاعات کے مطابق دھماکے سے تین منزلہ عمارت منہدم ہوگئی جب کہ سلنڈر کا دھماکا اتنا زوردار تھا کہ اس کی آواز دور دور تک سنی گئی۔ دھماکے کے وقت تین منزلہ عمارت میں 20 سے زائد افراد موجود تھے۔
دھماکے کے بعد ریسکیو 1122 سمیت تمام متعلقہ ادارے امدادی کارروائیوں میں حصہ لے رہے ہیں، جہلم کے ڈسٹرکٹ ہسپتال میں ایمرجنسی نافذ کر دی گئی ہے اور ڈاکٹرز اور پیرا میڈیکل سٹاف کو طلب کر لیا گیا ہے۔
ریسکیو 1122 کے مطابق 10 زخمیوں اور 5 لاشوں کو ہسپتال منتقل کیا جا چکا ہے۔
ڈپٹی کمشنر جہلم سمیع اللہ فاروق، ڈی پی او جہلم ناصر محمود باجوہ سمیت انتظامی افسران جائے حادثہ پر موجود تھے اور امدادی کاموں کی نگرانی کر رہے تھے
ابتدائی معلومات کے مطابق ہوٹل کی بالائی منزلوں میں رہائشی فلیٹس تھے جہاں زیادہ تر مزدور کرائے پر رہتے تھے۔
سلنڈر دھماکے میں جاں بحق ہونے والوں میں سندھ کے ضلع کشمور سے دلاور ولد عبدالرحمن، تنویر احمد ولد عبدالفاروق سکنہ جہلم، امیر حسین ولد اللہ دتہ، یاسر ولد محمد قادر، محمد افضل ولد محمد فضل سکنہ جہلم شامل ہیں۔
زخمیوں میں یاسر ولد گلستان، جاوید اقبال ولد محمد سلیم رانجھا، ظفر اقبال ولد خوشی محمد، دانیال ولد افضل، ظفراقبال قریشی ولد ماسٹر بشیر احمد، عبدالشکور ولد مشتاق احمد، فریاب ولد عبدالخالق، فریاب ولد عبدالخالق شامل ہیں۔ جہلم کے مختلف علاقوں سے توصیف ولد خالد۔ محمود شامل ہے جبکہ ایک شدید زخمی کی تاحال شناخت نہیں ہو سکی ہے۔
