190

اردو ورلڈ کینیڈا ( ویب نیوز ) یوکرین میں روسی میزائل حملوں کے نتیجے میں 5 افراد ہلاک ہو گئے۔

یوکرائنی حکام نے دعویٰ کیا ہے کہ روس نے دارالحکومت کیف، وسطی اور جنوبی علاقوں میں میزائل حملے کیے ہیں جس کے نتیجے میں 5 افراد ہلاک اور متعدد زخمی ہو گئے ہیں۔

یوکرائنی حکام کا کہنا ہے کہ وسطی یومان کے علاقے میں روسی میزائل حملے میں رہائشی عمارت کو نشانہ بنایا گیا جس میں 3 افراد ہلاک اور 8 زخمی ہوگئے۔اس کے علاوہ وسطی شہر ڈنیپرو میں میزائل حملے میں ایک خاتون اور ایک بچہ ہلاک ہو گئے جب کہ کیف کے علاقے میں روسی آپریشن میں دو افراد زخمی ہوئے۔

یہ بھی پڑھیں

عالمی عدالت انصاف کے صدر کے وارنٹ کے باوجود یوکرین پر روس کی بمباری

یوکرائنی فوج نے دعویٰ کیا ہے کہ فضائی دفاع نے 21 روسی میزائلوں اور دو ڈرونز کو کیف کے ارد گرد فضا میں مار گرایا، جس کے ملبے سے ایک پاور لائن کو نقصان پہنچا۔