35
اردو ورلڈ کینیڈا ( ویب نیوز ) روس کے علاقے بیلگوروڈ پر یوکرائنی فوج کی جانب سے شیلنگ کی گئی جس کے نتیجے میں 5 افراد ہلاک اور 37 زخمی ہوگئے۔میڈیا رپورٹس کے مطابق یوکرائنی فوج نے کلسٹر بموں سے حملہ کیا جس کے نتیجے میں ایک خاتون اور 4 مرد موقع پر ہی جب کہ 6 بچوں سمیت 37 افراد زخمی ہوگئے۔روسی میڈیا کے مطابق یوکرین کی گولہ باری سے زخمی ہونے والوں میں 3 بچوں سمیت 7 افراد کی حالت تشویشناک ہے۔رپورٹ کے مطابق تیز دھار دھاتی اشیاء سے 9 گاڑیوں کو بھی نقصان پہنچا جب کہ ایک اور قصبے پر حملے میں دو مکانات، ایک گاڑی اور ایک گیراج کو آگ لگ گئی۔روسی حکام کا کہنا ہے کہ کرسک، برائنسک اور بیلگوروڈ میں روس کی جوابی کارروائیاں جاری ہیں۔
