اردو ورلڈ کینیڈا ( ویب نیوز )   6 گھنٹے کے نوٹس پر ملک بدری ،امریکہ میں تارکین وطن کیخلاف پالیسی مزید سخت ۔

 یہ اقدام سپریم کورٹ کے ایک حالیہ فیصلے کے بعد ممکن ہوا، جس نے پناہ گزینوں کو ملک بدر کرنے کے عمل کو آسان بنا دیا۔امریکی محکمہ امیگریشن اینڈ کسٹمز انفورسمنٹ (آئی سی ای) کے ڈپٹی ڈائریکٹر ٹوڈ لیونز نے محکمہ کے عملے کو ایک بیان میں کہا کہ سپریم کورٹ کے فیصلے کی روشنی میں مہاجرین کو اب ملک بدر کرنے کے لیے صرف 6 گھنٹے کا نوٹس دیا جائے گا۔  تاہم اگر ہنگامی حالات پیدا ہوتے ہیں تو یہ عمل فوری طور پر اور اس سے بھی کم وقت میں کیا جا سکتا ہے۔

  امیگریشن وکلاء نے خبردار کیا ہے کہ یہ تبدیلی ہزاروں لوگوں کے لیے ایک ویک اپ کال ہو سکتی ہے، خاص طور پر وہ لوگ جو پہلے اپنے ممالک کو واپس جانا خطرناک سمجھتے تھے۔”اس فیصلے کے نتیجے میں ہزاروں جانیں تشدد اور بدسلوکی کا نشانہ بن سکتی ہیں،” یونین فار دی پروٹیکشن آف ریفیوجی رائٹس کی سربراہ ٹرینا ریلموٹو نے کہا۔. "ہماری تنظیم ان افراد کے حقوق کے تحفظ کے لیے اس فیصلے کو عدالت میں چیلنج کرے گی۔”