اردو ورلڈ کینیڈا ( ویب نیوز ) بھارتی دارالحکومت نئی دہلی کے کوچنگ سینٹر میں شاٹ سرکٹ کے باعث آگ بھڑک اٹھی جس کے بعد کئی طلباء نے جان بچانے کے لیے تیسری منزل سے چھلانگ لگا دی۔

نئی دہلی کے ایک کوچنگ سینٹر میں کلاس کے کچھ طلبہ نے جان بچانے کے لیے تیسری منزل سے چھلانگ لگا دی جس کے نتیجے میں 61 طلبہ زخمی ہوگئے جن میں سے 2 کی حالت تشویشناک ہے۔

حادثے کے وقت کئی طالب علم ایک رسی اور کئی تاروں کی مدد سے کھڑکی سے باہر آئے، جس کی ویڈیو وائرل ہوگئی۔ویڈیو میں طلبہ و طالبات کو رسیاں اور تاریں پکڑے مسلسل نیچے اترتے دیکھا جا سکتا ہے۔

BREAKING: Coaching center catches fire in Mukherjee Nagar; students seen climbing down through windows. pic.twitter.com/aEJcnka89q

— Manish Yadav 🇮🇳 (@ImManish1986) June 15, 2023

پولیس کے مطابق کوچنگ سینٹر کے عملے کے ارکان بھی زخمیوں میں شامل ہیں جب کہ 50 افراد کو اسپتال میں طبی امداد دے کر فارغ کر دیا گیا ہے۔پولیس کا کہنا ہے کہ 2 طلباء جن کی حالت تشویشناک ہے تیسری منزل سے براہ راست چھلانگ لگا کر اے سی کمپریسر پر گرے۔