اردو ورلڈ کینیڈا ( ویب نیوز ) نومنتخب برطانوی وزیراعظم کیئر سٹارمر اور نئے ارکان پارلیمنٹ نے حلف اٹھا لیا جس کے بعد کیئر سٹارمر اور 650 ارکان پارلیمنٹ اور ان کی کابینہ نے کامنز رول پر دستخط کر دیئے۔غیر ملکی میڈیا رپورٹس کے مطابق سر لنڈسے ہوئل دوبارہ ہاؤس آف کامنز کی اسپیکر منتخب ہوگئیں، حلف اٹھانے والے ارکان پارلیمنٹ میں برٹش پاکستانی بھی شامل ہیں۔
نومنتخب برطانوی وزیر شبانہ محمود نے بھی حلف اٹھایا۔حلف اٹھانے والوں میں افضل خان، عمران حسین، راجہ یاسین اور ناز شاہ بھی شامل تھے۔ سپیکر کی موجودگی میں تمام اراکین اسمبلی نے ایک ایک کر کے حلف لیا۔ ارکان پارلیمنٹ نے بادشاہ چارلس اور ان کے وارثوں اور جانشینوں سے وفاداری کا حلف لیا۔ تمام اراکین اپنی مذہبی کتاب پر حلف بھی اٹھا سکتے ہیں، 650 میں سے 335 اراکین پارلیمنٹ پہلی بار منتخب ہوئے، ہاؤس آف کامنز میں 263، تقریباً 40 فیصد خواتین ہیں۔
