41
تائیوان کے حکام کا کہنا ہے کہ زلزلے کے باعث کچھ عمارتیں گر گئی ہیں اور جانی نقصان کا خدشہ ہے۔تائیوان کے مشرقی ساحل پر 7.2 شدت کا زلزلہ آیا جس کے بعد 5 شدت کے کئی آفٹر شاکس آئے۔زلزلے کے نتیجے میں سمندر میں تین میٹر اونچی لہریں پیدا ہوئیں، اسی وجہ سے تائیوان اور جاپان کے سیاحتی علاقے اوکیناوا میں سونامی کی وارننگ جاری کر دی گئی ہے اور رہائشی علاقوں سے لوگوں کے انخلا کے احکامات جاری کر دیے گئے ہیں۔
سونامی تائیوان سے 110 کلومیٹر دور واقع اونا گونی کے علاقے میں پہنچ گئی ہے جہاں 30 سینٹی میٹر تک اونچی لہریں ریکارڈ کی جا رہی ہیں۔ خدشہ ہے کہ آئندہ چند گھنٹوں میں یہ لہریں مزید بلند ہوں گی۔زلزلہ پیما مرکز کے مطابق تائیوان کے مشرقی ساحلی علاقے میں زلزلے کی گہرائی 15.5 کلومیٹر ریکارڈ کی گئی ہے۔
