اردو ورلڈ کینیڈا ( ویب نیوز ) مغربی کنارے میں اسرائیلی فوج کی کارروائی کے دوران 7 فلسطینی نوجوان شہید ۔ بین الاقوامی خبر رساں ادارے کے مطابق اسرائیلی فوج نے علی الصبح جیریکو کے پناہ گزین کیمپ پر چھاپہ مار کر سرچ آپریشن کے دوران 7 نوجوانوں کو شہید کر دیا۔

اسرائیلی فوج کے ترجمان کا کہنا ہے کہ اس علاقے میں 28 جنوری کو مسلح نوجوانوں نے چیک پوسٹ پر حملہ کیا تھا اور آج ان کی گرفتاری کے لیے جانے والی ٹیم پر بھی فائرنگ کی گئی۔

یہ بھی پڑھیں

اسرائیلی فوج کی فائرنگ، 9 فلسطینی شہید،سعودی عرب کی مذمت

اسرائیلی فوج نے دعویٰ کیا ہے کہ دفاعی فائرنگ میں ہلاک ہونے والے دو حملہ آوروں سمیت سات افراد کا تعلق حماس سے تھا اور وہ علاقے کے اہم عہدیدار تھے جب کہ حماس نے اسرائیل کے اس اقدام کو بزدلانہ قرار دیتے ہوئے کہا کہ فلسطینیوں کی نسل کشی کی جا رہی ہے۔

مزید پڑھیں

اسرائیلی جارحیت میں مزید 2 فلسطینی نوجوان شہید

واضح رہے کہ رواں سال کے آغاز سے اب تک اسرائیلی فوج کی جارحیت میں شہید ہونے والے نوجوانوں کی تعداد 43 ہوگئی ہے جن میں 8 بچے بھی شامل ہیں۔