اردو ورلڈ کینیڈا ( ویب نیوز)بلوچستان کے اضلاع آواران اور ژوب میں سیلاب سے 8 افراد جاں بحق ہوگئے۔سندھ اور بلوچستان کے مختلف علاقوں دادو، میہڑ، جوہی، خیرپورناتھن شاہ اور پڈعیدن میں بارش ہوئی۔

بلوچستان کے اضلاع آواران اور ژوب میں بارشوں کے باعث سیلابی پانی میں بہہ جانے کے واقعات میں 8 افراد جاں بحق جب کہ 2 افراد لاپتہ ہیں۔

یہ بھی پڑھیں 

سیلاب ،پاکستان کے مزید لاکھوں لوگ غربت کا شکارہو سکتے ہیں ، اقوام متحدہ کی رپورٹ

محکمہ موسمیات کے مطابق 24 گھنٹوں کے دوران خضدار میں 10، قلات میں 9، کوئٹہ میں 3، دالبندین میں 5، بارکھان میں 4، پنجگور اور پشین میں 3، 3 اور ژوب میں 2 ملی میٹر بارش ریکارڈ کی گئی۔

اس کے علاوہ سندھ کے مختلف علاقوں دادو، میہڑ، جوہی، خیرپورناتھن شاہ اور پڈعیدن میں بھی بارش ہوئی ہے۔

محکمہ موسمیات کا کہنا ہے کہ آج سندھ، جنوبی پنجاب، بلوچستان، خیبرپختونخوا، کشمیر اور گلگت بلتستان میں کہیں کہیں بارش ہوسکتی ہے۔