اردو ورلڈ کینیڈا ( ویب نیوز ) لداخ میں انڈین فورس کا ٹرک دریا میں گرنے سے ایک جونیئر کمیشنڈ آفیسر (جے سی او) اور 8 اہلکار ہلاک ہو گئے۔

بھارتی میڈیا کے مطابق واقعہ لیہہ سے 150 کلومیٹر دور کیاری میں مقامی وقت کے مطابق صبح 5 بجے کے قریب پیش آیا۔ لیہہ کے سینئر سپرنٹنڈنٹ آف پولیس پی ڈی نتھیا نے اس واقعہ کی تصدیق کی ہے۔

پی ڈی نتیا نے بتایا کہ ایک زخمی اہلکار کا علاج چل رہا ہے اور اس کی حالت نازک ہے۔ واضح رہے کہ ہندوستانی فوج کا ایک ڈویژنل ہیڈکوارٹر مشرقی لداخ کے کیاری میں واقع ہے۔حکام نے بتایا کہ ٹرک میں 10 فوجی سوار تھے اور قافلے میں 5 گاڑیاں تھیں۔ حادثے کے بعد پولیس کی ایک ٹیم موقع پر پہنچی اور تمام زخمی فوجیوں کو طبی مرکز پہنچایا، جہاں ان میں سے 8 کو مردہ قرار دیا گیا۔