عرب میڈیا کے مطابق نائیجیرین فوج کی جانب سے اتوار کی شب ریاست کاڈوناکی کے علاقے ایگابی کونسل میں ڈرون حملہ اس وقت کیا گیا جب مقامی مسلمان نبی کریم صلی اللہ علیہ وسلم کے یوم ولادت کی تقریب کے لیے جمع تھے۔
نائیجیریا کا فوجی حملہ باغیوں کو نشانہ بنانے کے لیے ڈرون کا استعمال کرتے ہوئے غلطی سے ایک مذہبی تقریب میں گر کر تباہ ہو گیا، جس سے کم از کم 85 شہری ہلاک اور متعدد زخمی ہو گئے۔
نیشنل ایمرجنسی مینجمنٹ ایجنسی نے منگل کو ایک بیان میں کہا کہ اب تک 85 لاشوں کو دفن کیا جا چکا ہے جبکہ دیگر کی تلاش جاری ہے۔دوسری جانب ایمنسٹی انٹرنیشنل کے نائجیریا کے دفتر نے بتایا ہے کہ ڈرون حملے میں 120 افراد شہید ہوئے، جن میں زیادہ تعداد بچوں کی ہے۔
کدونا میں آپریشنز کے انچارج نائجیرین آرمی ڈویژن کے سربراہ نے پیر کو سیکیورٹی میٹنگ کے دوران کہا کہ ڈرون آپریشن معمول کی کارروائی تھی، نائجیرین فوج دہشت گردوں کے خلاف معمول کے مشن پر تھی لیکن نادانستہ طور پر شہریوں کو نشانہ بنایا گیا
عرب میڈیا کی رپورٹ کے مطابق گزشتہ ایک دہائی میں نائجیریا کی سکیورٹی فورسز کے فضائی حملوں میں حادثاتی طور پر شہریوں کی ہلاکتیں ہوئی ہیں۔
