اردو ورلڈ کینیڈا ( ویب نیوز )11 ستمبر کو نیویارک میں ورلڈ ٹریڈ سینٹر کے علاوہ پینٹاگون اور پنسلوانیا پر بھی ہوائی جہازوں سے حملہ کیا گیا جس میں تقریباً 3 ہزار افراد ہلاک ہوئے۔اس دن امریکی ایئر لائن کے 2 مسافر طیارے 18 منٹ کے وقفے سے ورلڈ ٹریڈ سینٹر کی دو عمارتوں سے ٹکرا گئے اور ان واقعات میں تقریباً 3 ہزار افراد ہلاک ہوئے۔اس حملے کے چند گھنٹے بعد اس وقت کے امریکی صدر جارج بش نے دہشت گردی کے خلاف جنگ کا اعلان کیا۔اسی سال امریکہ نے القاعدہ کو ذمہ دار ٹھہراتے ہوئے افغانستان پر حملہ کیا جو 7 اکتوبر کو افغانستان میں ‘آپریشن اینڈورنگ فریڈم کے نام سے شروع کیا گیا تھا۔

9/11 کے حملوں کے بعد، پاکستان دہشت گردی کے خلاف امریکہ کا سب سے اہم اور فرنٹ لائن اتحادی بن کر ابھرا۔جبکہ سابق صدر پرویز مشرف نے افغان طالبان کے خلاف امریکی اور نیٹو کی سپلائی کے لیے پاکستان کی سرحدیں کھول دیں، انہوں نے قوم کو بتائے بغیر بہت سے پاکستانی ہوائی اڈے اور دیگر فوجی تنصیبات بھی امریکہ کو دے دیں۔