اردوورلڈ کینیڈا( ویب نیوز)بالی وڈ کے معروف اداکار شاہ رخ خان اپنی نئی فلم ’’کنگ‘‘ کی شوٹنگ کے دوران زخمی ہو گئے۔بھارتی میڈیا کے مطابق شاہ رخ خان ممبئی کے گولڈن ٹوبیکو اسٹوڈیو میں فلم ’’کنگ‘‘ کی عکسبندی کر رہے تھے جب وہ ایک حادثے کا شکار ہو گئے۔

زخمی ہونے کے بعد انہیں علاج کے لیے امریکا منتقل کیا گیا ہے، جہاں ڈاکٹروں نے انہیں آرام کا مشورہ دیا ہے۔
رپورٹس کے مطابق چوٹ کی مکمل تفصیلات کو خفیہ رکھا گیا ہے تاہم یہ بتایا گیا ہے کہ یہ کوئی سنگین چوٹ نہیں بلکہ پٹھوں کی تکلیف ہے۔ شاہ رخ خان نے سٹنٹس کرتے ہوئے اس سے پہلے بھی کئی بار جسمانی چوٹیں برداشت کی ہیں۔اطلاعات کے مطابق اس بار بھی وہ پٹھوں کی چوٹ کا شکار ہوئے ہیں اور اب امریکا میں علاج کرا رہے ہیں۔ ڈاکٹروں نے انہیں مکمل آرام کا مشورہ دیا ہے، جس کے باعث ان کی فلم ’’کنگ‘‘ کی شوٹنگ اب ستمبر یا اکتوبر میں دوبارہ شروع کی جائے گی، جب وہ مکمل صحت یاب ہو جائیں گے۔