غزہ پر اسرائیلی مظالم کا سلسلہ رکنے کا نام نہیں لے رہا۔ تازہ ترین بمباری میں مزید 71 نہتے فلسطینی شہید ہو گئے جن میں و 42 افراد بھی شامل ہیں  جو امداد کے انتظار میں بیٹھے تھے۔قطری نشریاتی ادارے الجزیرہ نے اسپتال ذرائع کے حوالے سے بتایا ہے کہ اسرائیلی فوج کی جانب سے نشانہ بنائے گئے مقامات میں وہ علاقے بھی شامل تھے جہاں لوگ **خوراک اور طبی امداد کے لیے قطاروں میں کھڑے تھے۔اس ہولناک بمباری کے بعد غزہ میں شہدا کی مجموعی تعدا د59 ہزار 700  سے تجاوز کر چکی ہے، جبکہ زخمیوں کی تعداد 1 لاکھ 44 ہزار 477  تک پہنچ چکی ہے۔

دوسری جانب، غزہ میں خوراک کی شدید قلت اور قحط  کے باعث  مزید 127 فلسطینی جاں بحق ہو چکے ہیں ، جن میں 85 معصوم بچے بھی شامل ہیں۔ یہ ہلاکتیں خوراک نہ ملنے، کمزوری اور طبی سہولیات کے فقدان کے باعث ہوئیں۔ورلڈ فوڈ پروگرام  کے مطابق، غزہ کی ایک تہائی آبادی کئی دنوں سے فاقہ کشی  کا شکار ہے۔امریکی امدادی ادارے  USAID نے اپنی رپورٹ میں واضح کیا ہے کہ اب تک ایسا   کوئی ثبوت نہیں ملا کہ امریکی امداد کو حماس نے روکا یا چرا لیا ہو، جیسا کہ اسرائیلی پروپیگنڈے میں دعویٰ کیا جا رہا تھا۔امریکی ڈیموکریٹک سینیٹر **کوری بُکر** نے غزہ کی صورتحال پر شدید تشویش کا اظہار کرتے ہوئے کہا:

> "یہ دیکھ کر دل ٹوٹ جاتا ہے کہ کیسے عام شہری بھوک اور ظلم کا شکار ہیں۔ امدادی پالیسی ناکام ہو چکی ہے، فوری اور وسیع امداد دی جانی چاہیے۔”واضح رہے کہ جرمنی، فرانس اور برطانیہ** کے رہنماؤں نے اسرائیل سے **امدادی پابندیاں ختم کرنے کا مطالبہ  کیا تھا، تاہم اسرائیل نے حسبِ روایت تمام عالمی مطالبات کو یکسر **نظر انداز  کر دیا۔