اردوورلڈ کینیڈا( ویب نیوز)وفاقی وزیر دفاع خواجہ آصف نے بیوروکریسی کے بعض اعلیٰ افسران پر سخت تنقید کرتے ہوئے انکشاف کیا ہے کہ ملک کی سرکاری مشینری سے وابستہ بڑی تعداد میں بااثر افسران پرتگال میں نہ صرف جائیدادیں خرید چکے ہیں بلکہ اب وہاں کی شہریت حاصل کرنے کی کوششوں میں بھی مصروف ہیں۔
وطن عزیز کی آدھی سے زیادہ بیوروکریسی پرتگال میں پراپرٹی لے چکی ھے اور شہریت لینی کی تیاری کر رہی ھے۔ اوریہ نامی گرامی بیوروکریٹس ھیں ۔ مگر مچھ اربوں روپے کھا کے آرام سے ریٹائرمنٹ کی زندگی گزار رہیں۔ بزدار کا ایک قریب ترین بیوروکریٹ چار ارب بیٹیوں کی شادی پر صرف سلامی وصول کر چکا…
— Khawaja M. Asif (@KhawajaMAsif) August 5, 2025
سماجی رابطے کی ویب سائٹ ’ایکس‘ پر اپنے بیان میں خواجہ آصف نے کہا کہ یہ کوئی عام سرکاری ملازمین نہیں بلکہ وہ بااثر اور مشہور بیوروکریٹس ہیں جو برسوں سے طاقت اور وسائل پر قابض ہیں۔
انہوں نے ان بیوروکریٹس کو مگرمچھ‘ قرار دیتے ہوئے کہایہ لوگ قومی خزانے کے اربوں روپے ہضم کر کے پُرسکون ریٹائرمنٹ کی زندگی گزار رہے ہیں۔
سابق وزیر اعلیٰ پنجاب عثمان بزدار کے ایک قریبی افسر نے صرف بیٹیوں کی شادی پر چار ارب روپے کی سلامی اکٹھی کی اور آج آرام سے عیش کر رہا ہے
وزیر دفاع کا کہنا تھا کہ اصل فائدہ تو یہ افسران اٹھا رہے ہیں، جبکہ سیاست دان صرف ان کے بچے کچھے پر گزارا کرتے ہیں اور چولیں مارتے ہیں۔
انہوں نے مزید کہا نہ ہمارے پاس بیرونِ ملک شہریت ہے، نہ سرکاری پلاٹ کیونکہ ہمیں الیکشن لڑنے ہوتے ہیں مگر یہ بیوروکریسی اس پاک سرزمین کو پلیت کر رہی ہے۔
