ارد و ورلڈ کینیڈا ( ویب نیوز ) ا طالوی ارکان پارلیمنٹ نے منفرد انداز میں فلسطینی عوام سے اظہار یکجہتی کیا ہے۔

اطالوی سیاسی جماعت فائیو سٹار موومنٹ کے ارکان نے اطالوی پارلیمنٹ میں فلسطینی پرچم کے رنگوں کے کپڑے پہن کر فلسطینیوں کے ساتھ اظہار یکجہتی کیا۔پارلیمنٹ کے اجلاس کے دوران پارٹی ارکان نے کہا کہ ہم آج یہ جھنڈا نہیں لہرا رہے، کیونکہ آپ اسے ہم سے چھین لیں گے۔فائیو سٹار موومنٹ پارٹی کے ارکان کا کہنا تھا کہ آج ہم اس جھنڈے کو اپنے جسموں پر اس لیے پہنا رہے ہیں کہ یہ اب صرف فلسطین کا جھنڈا نہیں رہا بلکہ انسانیت کے لیے لڑنے والوں کا عالمی پرچم بن گیا ہے۔یہ اقدام اسرائیلی حملوں کے خلاف بڑھتے ہوئے عالمی احتجاج اور فلسطینی عوام سے ہمدردی کے اظہار کا حصہ ہے۔واضح رہے کہ غزہ پر اسرائیل کے وحشیانہ حملے جاری ہیں، تازہ کارروائی میں مزید 150 فلسطینی شہید ہوچکے ہیں۔غیر ملکی میڈیا کے مطابق غزہ پر اسرائیلی فوج کے حملے رکنے کے آثار دکھائی نہیں دے رہے۔ گزشتہ 24 گھنٹوں میں 150 سے زائد فلسطینی شہید ہو چکے ہیں۔ شہداء میں امداد کے منتظر 90 فلسطینی شامل ہیں۔