اردوورلڈ کینیڈا( ویب نیوز)راولپنڈی میڈیکل یونیورسٹی میں ڈائریکٹر جنرل آئی ایس پی آر لیفٹیننٹ جنرل احمد شریف چودھری کی طلبہ کے ساتھ ایک خصوصی ملاقات کا اہتمام کیا گیا، جس میں انہوں نے طلبہ سے آزادانہ اور دوستانہ انداز میں گفتگو کی۔

اس موقع پر سوال و جواب کا الگ سیشن بھی رکھا گیا، جسے طلبہ نے نہ صرف پسند کیا بلکہ بھرپور جوش و خروش سے حصہ لیا اور اپنے قومی جذبے کا مظاہرہ کیا۔

طلبہ کا کہنا تھا کہ اس طرح کے پروگرام موجودہ وقت کی اہم ضرورت ہیں، کیونکہ یہ نوجوانوں کو ملکی سلامتی اور افواج پاکستان کے قریب لانے کا ذریعہ بنتے ہیں۔

انہوں نے واضح کیا کہ دشمن چاہے جتنی سازشیں کر لے مگر وہ نوجوان نسل اور افواج پاکستان کے درمیان رشتہ توڑ نہیں سکتا۔ طلبہ نے کہا کہ فوج اور عوام ایک دوسرے کا حصہ ہیں اور پاکستان کے خلاف اٹھنے والی ہر ناپاک نظر کے سامنے ہم اپنی افواج کے ساتھ مضبوطی سے کھڑے ہیں۔