24 گھنٹوں میں 3 بچوں سمیت 13 فلسطینی بھوک اور غذائی قلت کے باعث شہید ہو گئے۔ بھوک سے مرنے والوں کی تعداد 361 ہو گئی ہے جن میں 130 بچے بھی شامل ہیں۔گھر پر راکٹ حملے میں ایک حاملہ فلسطینی خاتون شہید ہو گئی، جنوبی غزہ میں المواسی کے محفوظ علاقے پر اسرائیلی ڈرون حملے میں 5 معصوم بچے جاں بحق ہو گئے جس کے بعد ہلاکتوں کی تعداد 63 ہزار 633 ہو گئی جب کہ 160914 افراد زخمی ہو گئے۔

غزہ شہر میں اسرائیلی پیش قدمی جاری رہی جس سے لاکھوں بے گھر فلسطینی محفوظ پناہ گاہوں سے محروم ہو گئے۔ فلسطینی وزارت صحت کا کہنا تھا کہ اسرائیلی بمباری سے تباہ ہونے والے گھروں اور عمارتوں کے ملبے تلے درجنوں افراد دب گئے ہیں۔ اسرائیلی فوج امدادی کارکنوں کو امدادی کارروائیوں کی اجازت نہیں دے رہی ہے۔