یہ شق حکومتوں کو پانچ سال تک چارٹر کے بعض حصوں کو بائی پاس کرنے کی اجازت دیتی ہے۔یہ انکشاف ایک لیک شدہ میمو کے ذریعے سامنے آیا ہے، جو 10 ستمبر کو البرٹا کے محکمہ انصاف نے دیگر سرکاری محکموں کو بھیجا۔ میمو کے مطابق وزیرِاعلیٰ  ڈینیئل اسمتھ کے دفتر نے براہِ راست ہدایت دی کہ قوانین میں ایسی ترامیم کی جائیں جو انہیں "چارٹر آف رائٹس اینڈ فریڈمز اور البرٹا بل آف رائٹس” کے برخلاف بھی نافذ رکھ سکیں۔

میمو میں کہا گیا > "یہ قانون سازی نہایت حساس ہے اور اسے انتہائی رازداری کے ساتھ آگے بڑھایا جانا چاہیے۔”حکومت کا منصوبہ ہے کہ اس تجویز کو 21 اکتوبر کو کابینہ کے اجلاس میں پیش کیا جائے، جب کہ دو دن بعد اسمبلی کا نیا اجلاس گورنر کے خطاب کے ساتھ شروع ہوگا۔

یہ تین قوانین پچھلے سال متعارف کرائے گئے تھے اور ان پر پہلے ہی عدالتی کارروائی جاری ہے

1. اسکول پروناؤن قانون :

 16 سال سے کم عمر طلبہ کے لیے اسکول میں نام یا ضمیر (Pronoun) تبدیل کرنے پر والدین کی اجازت لازمی ہے، جب کہ 16 اور 17 سالہ طلبہ کو والدین کو مطلع کرنا لازمی ہے۔

2. اسپورٹس قانون 

: 12 سال اور اس سے بڑی عمر کی ٹرانس جینڈر لڑکیوں پر خواتین کے ایمیچر کھیلوں میں شرکت پر پابندی۔

3. ہیلتھ کیئر قانون 

: 16 سال سے کم عمر افراد کے لیے جینڈر افرمِنگ علاج، بشمول ہارمون تھراپی اور پُبَریٹی بلاکرز، پر پابندی۔ یہ قانون فی الحال عدالتی حکمِ امتناعی (Injunction) کی وجہ سے معطل ہے۔

ایل جی بی ٹی کیو+ تنظیموں  ایگال کینیڈا اور سِکپنگ اسٹون نے ان قوانین کو امتیازی اور غیر آئینی قرار دیتے ہوئے عدالت میں چیلنج کر رکھا ہے۔ ایگال کینیڈا کی ایگزیکٹو ڈائریکٹر ہیلن کینیڈی نے کہا > "نان وِداسٹینڈنگ کلاز کا استعمال ٹو ایس ایل جی بی ٹی کیو آئی کمیونٹی پر ایک ناقابلِ معافی حملہ ہے۔ یہ نہ صرف ان پر بلکہ تمام کینیڈین شہریوں کے آئینی حقوق پر براہِ راست حملہ ہے۔”

البرٹا حکومت کی ترجمان  ہیذر جینکنز نے کہا کہ صوبائی حکومت بچوں کی حفاظت کے لیے ہر آئینی اور قانونی ذریعہ استعمال کرے گی، چاہے اس کے لیے نان وِداسٹینڈنگ کلاز ہی کیوں نہ اختیار کرنا پڑے۔

وزیرِاعلیٰ اسمتھ اس سے قبل کہہ چکی ہیں کہ ان قوانین کو عدالت میں آئینی چیلنج کا سامنا کرنے کے باوجود "معقول، متوازن اور شواہد پر مبنی” قرار دیا جا سکتا ہے۔

فی الحال ہیلتھ کیئر قانون پر پابندی عدالت کے عبوری حکم کے باعث مؤخر ہے، لیکن تعلیمی اور اسپورٹس قوانین پہلے ہی نافذ ہو چکے ہیں۔  سسکاچیوان نے 2023 میں اسکول پروناؤن قانون کے لیے یہی شق استعمال کی تھی۔ عدالت نے تسلیم کیا کہ نان وِداسٹینڈنگ کلاز کے استعمال کے بعد قانون کو کالعدم قرار نہیں دیا جا سکتا۔  البرٹا نے حال ہی میں سپریم کورٹ آف کینیڈا میں کیوبیک کے سیکولرزم قانون کے دفاع میں بھی دلائل جمع کرائے، جس کے تحت سرکاری ملازمین (مثلاً اساتذہ اور ججز) مذہبی علامات نہیں پہن سکتے۔ البرٹا نے اپنے مؤقف میں کہا کہ نان وِداسٹینڈنگ کلاز وفاقی نظام میں صوبائی خودمختاری کو محفوظ رکھنے کا ایک "مشکل مگر ضروری آئینی سمجھوتہ” ہے۔

کینیڈا کے وزیرِاعظم  مارک کارنی نے ایک بار پھر واضح کیا ہے کہ وہ نان وِداسٹینڈنگ کلاز کے "پیشگی استعمال” کے مخالف ہیں اور سمجھتے ہیں کہ یہ آئینی اقدار کو کمزور کرتا ہے۔