اس دکان میں صارفین کو وہ سہولت دی جاتی ہے جو سن کر ہی حیرانی ہوتی ہے: اپنے خواب خریدنے کی سہولت۔ دکان کے مالک کا دعویٰ ہے کہ انہوں نے ایک خاص ٹیکنالوجی ایجاد کی ہے جس کے ذریعے نیند کے دوران خواب کو متاثر کیا جا سکتا ہے۔ یہاں آنے والے گاہکوں کو "ڈریم کیپسول” فراہم کی جاتی ہے۔ یہ کیپسول دراصل خوشبوؤں اور مخصوص آوازوں کا ایک امتزاج ہے جو دماغ کو نیند میں لے جا کر خواب کو ایک خاص رخ پر لے جاتے ہیں۔گاہک صرف یہ بتاتے ہیں کہ وہ کس طرح کا خواب دیکھنا چاہتے ہیں—مثلاً کسی مشہور شخصیت سے ملاقات، دنیا کے کسی حسین مقام کا سفر، یا پھر سپر ہیرو جیسا تجربہ۔ دکان کا عملہ اس کے مطابق خوشبو اور آوازیں منتخب کرتا ہے اور پھر جب گاہک سوتا ہے تو دماغ پر وہ اثر ڈالتی ہیں، جس سے خواب عین اسی طرح کا بنتا ہے جیسا وہ چاہتا ہے۔

دلچسپ بات یہ ہے کہ دکان کے باہر روزانہ لمبی قطاریں لگتی ہیں۔ نوجوان طبقہ خاص طور پر اس کو پسند کر رہا ہے اور کئی لوگ اسے "ریئل لائف نیٹ فلکس” کہہ رہے ہیں، جہاں آپ اپنی پسند کی کہانی خود اپنے خواب میں دیکھ سکتے ہیں۔ماہرین نفسیات اور نیوروسائنس دان اس ٹیکنالوجی پر تقسیم ہیں۔ کچھ کے مطابق یہ ممکن ہے کہ انسانی دماغ پر خوشبو اور آوازوں کے ذریعے اثر ڈالا جائے، لیکن یہ دعویٰ کہ کوئی شخص اپنی مرضی کے مطابق خواب خرید سکتا ہے، سائنس کے لیے اب بھی ایک معمہ ہے۔

اس دکان کے مالک کا کہنا ہےکہ*”خواب صرف دماغ کا کھیل نہیں، یہ کاروبار کا بھی نیا باب ہے۔ لوگ اپنی حقیقت بدل نہیں سکتے، مگر خواب خرید سکتے یہ خبر نہ صرف جاپان بلکہ دنیا بھر میں دلچسپی کا باعث بن گئی ہے اور کئی ممالک میں اس جیسی دکانیں کھولنے پر غور کیا جا رہا ہے۔