اردوورلڈکینیڈا( ویب نیوز)پاکستان میں حالیہ سیلاب سے متاثرہ علاقوں کی مدد کے لیے چین ایک بار پھر میدان میں آگیا ہے۔ پیپلز لبریشن آرمی (PLA) نے متاثرین کے لیے بڑا ریلیف پیکج روانہ کر دیا ہے، جس سے دونوں ممالک کی دیرینہ دوستی مزید مستحکم ہوئی ہے۔

چینی فوج کی جانب سے بھیجے گئے امدادی سامان میں 12 ہزار خیمے، 100 ڈیزل جنریٹرز، 50 واٹر فلٹریشن پمپ اور 300 سولر پاور سسٹمز شامل ہیں۔ یہ سامان متاثرہ علاقوں میں ضرورت مند خاندانوں میں تقسیم کیا جا رہا ہے۔

یہ خبربھی پڑھیں :وزیراعلیٰ مریم نواز کی ہدایت پر سیلاب متاثرہ سڑکوں کی فوری بحالی، ٹیمیں سرگرم عمل

اس کے علاوہ چین نے فیلڈ میڈیکل کیمپ قائم کرکے سیلاب متاثرین کو مفت علاج اور ادویات کی فراہمی بھی یقینی بنائی ہے۔

ماہرین کے مطابق یہ ریلیف پیکج پاکستان اور چین کے مضبوط تعلقات اور مشکل وقت میں یکجہتی کی ایک اور روشن مثال ہے۔