اردوورلڈکینیڈا(ویب نیوز)حکومت نے آئی ایم ایف کی شرط پر پانچ سال سے زیادہ پرانی گاڑیوں کی کمرشل درآمد کی اجازت دے دی ہے اور اس سلسلے میں باضابطہ نوٹیفکیشن بھی جاری کر دیا گیا ہے۔

نوٹیفکیشن کے مطابق امپورٹ پالیسی آرڈر میں ترمیم کی گئی ہے اور پاکستان کسٹم ٹیرف کوڈز کے تحت نئی کیٹیگریز شامل کی گئی ہیں۔ اب کسٹم ٹیرف کوڈ 8702 اور 8703 کے تحت سیڈان گاڑیاں، 8704 کے تحت لائٹ کمرشل گاڑیاں اور وینز، جبکہ 8711 کے تحت دیگر گاڑیوں کی کمرشل امپورٹ ممکن ہوگی۔

حکومت نے یہ بھی واضح کیا ہے کہ پرانی گاڑیاں صرف بینکنگ چینلز کے ذریعے کمرشل بنیادوں پر درآمد کی جا سکیں گی۔ مزید برآں، فیڈرل بورڈ آف ریونیو (FBR) پانچ سال سے زیادہ پرانی گاڑیوں پر 40 فیصد ریگولیٹری ڈیوٹی عائد کرے گا، جس کے لیے علیحدہ نوٹیفکیشن جاری کیا جائے گا۔