اردوورلڈکینیڈا( ویب نیوز)کیوبک کے پریمیئرفرانسوا لیگو نے خبردار کیا ہے کہ اگر ڈاکٹروں کی یونینز کے ساتھ تنخواہوں پر مذاکرات جمعے تک کامیاب نہ ہوئے تو حکومت خصوصی قانون سازی پیش کرے گی۔
مجوزہ قانون کے تحت ڈاکٹروں کی آمدنی کا 15 فیصد کارکردگی سے منسلک کیا جائے گا اور انہیں تدریس روکنے سے قانونی طور پر روکا جائے گا۔
لیگو نے کہا کہ حکومت کی جانب سے ڈاکٹروں کو شام اور ہفتہ و اتوار کو خدمات دینے کی شرط بالکل جائز ہے اور عوام کے مفاد میں ہے۔ ان کا کہنا تھا کہ "دیگر صوبوں میں یہ نظام پہلے سے رائج ہے، پھر کیوبک میں کیوں نہیں ہو سکتا؟”
J’ai un message important à partager avec les Québécois. pic.twitter.com/CTkhw4HQN3
— François Legault (@francoislegault) October 22, 2025
یہ بیان اس وقت سامنے آیا جب فیڈریشن ڈے میدیسین اسپیشیالیسٹ دو کیوبیک (FMSQ) نے حکومت کی چوتھی پیشکش کو “جنگ کا اعلان” قرار دے کر مسترد کر دیا۔
دوسری جانب اپوزیشن رہنما مارک تانگے نے حکومت اور یونین دونوں کو تنقید کا نشانہ بناتے ہوئے کہا کہ تنازع نے صحت کے نظام کو نقصان پہنچایا ہے۔ انہوں نے مطالبہ کیا کہ حکومت بل 106 کو معطل کرے اور ڈاکٹروں سے مشاورت کے ساتھ نیا بل تیار کرے۔
لیگو نے آخر میں کہا کہ یونین کی تدریسی سرگرمیوں میں رکاوٹیں نئے ڈاکٹروں کی شمولیت میں تاخیر کا باعث بن رہی ہیں، جو ناقابل قبول ہے۔
