اردوورلڈکینیڈا( ویب نیوز)وزیر اعلیٰ خیبر پختونخوا سہیل آفریدی نے کور کمانڈر پشاور لیفٹیننٹ جنرل عمر احمد بخاری سے اہم ون آن ون ملاقات کی۔ ذرائع کے مطابق ملاقات میں صوبے کی سیکیورٹی صورتحال، امن و امان اور دہشت گردی سے نمٹنے کے معاملات پر تفصیلی بات چیت ہوئی۔

یہ ملاقات امن جرگہ سے قبل ہوئی اور سیکیورٹی ذرائع کے مطابق یہ ایک کرٹیسی کال تھی جس میں کوئی دوسرا افسر موجود نہیں تھا۔ ملاقات کے دوران صوبے میں امن کے قیام اور سیکیورٹی اداروں کے کردار پر بھی گفتگو کی گئی۔

یاد رہے کہ اس سے قبل سابق وزیر اعلیٰ علی امین گنڈاپور نے کابینہ کے ہمراہ کور کمانڈر سے ملاقات کی تھی، تاہم نومنتخب وزیر اعلیٰ سہیل آفریدی کی یہ ملاقات ون آن ون نوعیت کی تھی۔