اردوورلڈکینیڈا( ویب نیوز)آئی ایم ایف کے ایگزیکٹیو بورڈ کے اجلاس سے قبل ایک اہم پیش رفت سامنے آئی ہے صوبہ پنجاب اور سندھ نے زرعی آمدن پر ٹیکس کی پرانی شرح بحال کر دی ہے دونوں صوبوں نے گزشتہ سال سیلابی تباہ کاریوں کے باعث کسانوں کو ریلیف دیتے ہوئے ٹیکس میں عارضی کمی کی تھی۔

حکام کے مطابق یہ پرانی شرح یکم جنوری سے 30 جون 2025 تک نافذ رہے گی، جس کے بعد جولائی 2025 سے نئی اور زیادہ شرح دوبارہ لاگو کی جائے گی۔ یہ فیصلہ آئی ایم ایف کی مشاورت سے کیا گیا ہے، اور ٹیکس میں دی گئی نرمی صرف چھ ماہ کے لیے ہوگی۔

یاد رہے کہ پاکستان اور آئی ایم ایف کے درمیان اسٹاف لیول معاہدہ 15 اکتوبر کو طے پایا تھا، جبکہ آئی ایم ایف کا ایگزیکٹیو بورڈ آئندہ چار ہفتوں میں اجلاس کرے گا۔ بورڈ کی منظوری کے بعد پاکستان کو 1.2 ارب ڈالر کی اگلی قسط ملنے کی توقع ہے۔