اردوورلڈکینیڈا( ویب نیوز)مونٹریال میں پبلک ٹرانزٹ کے ادارے ایس ٹی ایم کے ہڑتالی کارکنوں کے معاملے پر حکومت کی جانب سے ممکنہ واپسی کے قانون پر غور جاری ہے پیر کے روز لیبر ٹریبونل نے ایس ٹی ایم اور مزدور یونین کے نمائندوں سے ملاقات کی تاکہ یہ جانچا جا سکے کہ کیا ضروری عوامی خدمات برقرار ہیں یا نہیں اس فیصلے کا اثر کیوبیک حکومت کے آئندہ اقدام پر پڑ سکتا ہے جس کے تحت ہڑتالی ملازمین کو ہفتے تک کام پر واپس آنے پر مجبور کیا جا سکتا ہے

ایس ٹی ایم کے مینٹیننس ورکرز ایک ہفتے سے ہڑتال پر ہیں جس کے باعث بس اور میٹرو سروس صرف رش آورز تک محدود ہے یہ ہڑتال اٹھائیس نومبر تک جاری رہ سکتی ہے بس ڈرائیور اور میٹرو آپریٹرز پندرہ اور سولہ نومبر کو مزید ہڑتال کے دنوں کا اعلان کر چکے ہیں مزدور یونین نے بتایا کہ مذاکرات میں کچھ پیش رفت ہوئی ہے لیکن ابھی معاہدہ نہیں ہو سکا یونین کے صدر برونو جینوٹے نے کہا کہ تصفیہ کا بہترین طریقہ مذاکرات کے ذریعے معاہدہ ہے اور اس کے لیے دباؤ برقرار رکھنا ضروری ہے تاکہ ایس ٹی ایم جلد از جلد سمجھوتے کے موڈ میں آئے انہوں نے کہا کہ پچھلے چند سالوں کی جدوجہد نے ہمیں بہتر کام کے حالات دلائے ہیں اور ہمیں یہ معیار برقرار رکھنا ہے تاکہ ایس ٹی ایم کے پرانے انفراسٹرکچر کی دیکھ بھال اچھی طرح ہو سکے

اسی دوران کوٹ دے نیژ کے علاقے میں فوڈ بینک ملٹی کیف کے ڈائریکٹر جنرل ژاں سباستیان پاتریس نے ٹریبونل کو بتایا کہ ان کے مرکز پر قطاروں میں کھڑے لوگوں کی تعداد میں بے تحاشا اضافہ ہوا ہے بعض کو ڈیڑھ گھنٹے تک انتظار کرنا پڑا اور کئی لوگ بغیر خدمت لیے واپس چلے گئے کیونکہ انہیں بس یا میٹرو کے محدود اوقات کی وجہ سے جلدی جانا پڑا انہوں نے بتایا کہ یکم نومبر کو جب مکمل ہڑتال تھی تو ان کے مرکز پر عام طور پر آنے والے پانچ سو میں سے صرف پچاس افراد ہی پہنچ سکے اور زیادہ تر لوگ زندگی گزارنے کے لیے جدوجہد کر رہے تھے

پاتریس نے کہا کہ ٹرانزٹ سروس بند ہونے سے لوگوں کے لیے کھانا حاصل کرنا مشکل ہو جاتا ہے اور ان کی تنظیم کو رش آورز میں عملہ منتقل کرنے کے لیے کچھ دن خدمات بند کرنی پڑیں انہوں نے بتایا کہ ملٹی کیف آٹھ نومبر کو بند رہا اور ممکنہ طور پر پندرہ نومبر کو بھی بند رہے گا

کئی تنظیموں نے بھی لیبر ٹریبونل کو اپنی تشویشات سے آگاہ کیا جن میں فیڈریشن دے لاژ دور دے مونٹریال ایئرپورٹس دے مونٹریال سوسائٹی دے پارک ژاں دراپو اور ٹریجیکتوائر کیوبیک شامل ہیں ان تنظیموں نے تحریری طور پر اپنے بیانات جمع کرائے فیڈو کی ریجنل ڈائریکٹر روزے ترملے نے کہا کہ بزرگ شہری پندرہ اور سولہ نومبر کی مکمل ہڑتال سے سخت پریشان ہیں کیونکہ ان دنوں ضروری خدمات بھی فراہم نہیں کی جائیں گی انہوں نے کہا کہ نقل و حمل بنیادی ضرورت ہے اور بزرگ افراد کو اپنی روزمرہ ضروریات جیسے کہ گروسری ادویات اور طبی اپائنٹمنٹس کے لیے ٹرانزٹ تک رسائی چاہیے دو دن تک مکمل ٹرانسپورٹ بند ہونا ان کے لیے ناقابل قبول ہے انہوں نے یہ بھی کہا کہ وہ نگہداشت کرنے والے افراد جو بس یا میٹرو پر انحصار کرتے ہیں اگر سفر نہ کر سکیں تو وہ اپنے مریضوں تک نہیں پہنچ پاتے اور یہ صحت کے لیے خطرناک صورتحال پیدا کر دیتا ہے