اردوورلڈکینیڈا( ویب نیوز)پنجاب کے پراسیکیوٹر جنرل سید فرہاد علی شاہ نے تعلیمی اداروں میں فیکلٹی اور اسٹاف کی بھرتی سے پہلے نادرا کے سیکس آفینڈر رجسٹر سے لازمی تصدیق کرنے کی ہدایت جاری کر دی ہے۔ یہ مراسلہ انہوں نے سیکرٹری پراسیکیوشن کو بھیجا، جس میں بچوں کی حفاظت کے لیے بھرتی کے موجودہ نظام میں موجود خلا کی نشاندہی کی گئی ہے۔

مراسلے میں کہا گیا ہے کہ موجودہ بیک گراؤنڈ چیکس جنسی جرائم کے سابقہ ریکارڈ کو ظاہر نہیں کرتے، جس کی وجہ سے سیکس آفینڈرز کی بھرتی پورے ادارے کے لیے خطرہ بن سکتی ہے۔ پراسیکیوٹر جنرل نے محکمہ قانون و انصاف سے مطالبہ کیا ہے کہ سیکس آفینڈر رجسٹر تک رسائی کے لیے مؤثر میکانزم بنایا جائے اور تمام سرکاری و نجی تعلیمی اداروں کے لیے ویریفکیشن لازمی قرار دی جائے۔

اس ہدایت کے مطابق نئی بھرتیوں کے علاوہ موجودہ ملازمین کی بھی نادرا کے سیکس آفینڈر رجسٹر سے تصدیق کی جائے گی، تاکہ تعلیمی اداروں میں بچوں کے تحفظ کو یقینی بنایا جا سکے۔